దిశ, వెబ్ డెస్క్: చట్టవిరుద్ధంగా బాలికలను పనిలో పెట్టుకోవడమే కాక వారిపై లైంగిక దాడులకు ప్రయత్నించిన ఇటుకుబట్టీ వ్యాపారులను సంగారెడ్డి పోలీసులు గురువారం అరెస్ట్ చేశారు. పోలీసులు తెలిపిన వివరాల ప్రకారం.. 5 నెలల క్రితం ఒరిస్సా నుంచి దాదాపు 72 మంది నారాయణఖేడ్ మండలంలోని ఇటుక బట్టీలో పనిలో చేరారు. అందులో ఏడుగురు మైనర్ బాలికలు ఉన్నారు. అయితే ఇటీవలే ఈ వర్కర్లు ఇటుక బట్టీ వ్యాపారులు సరైన వేతనం ఇవ్వడం లేదని, తమ కూతుళ్లను లైంగికంగా వేధిస్తున్నారని ఒరిస్సా చీఫ్ సెక్రటరీకి ఫిర్యాదు చేశారు.
స్పందించిన అక్కడి చీఫ్ సెక్రటరీ తెలంగాణ ప్రభుత్వంలోని ఉన్నతాధికారులకు సమాచారం అందించారు. ఈ క్రమంలోనే స్పందించిన కార్మిక శాఖ, మహిళా శిషు సంక్షేమ శాఖ అధికారులు ఇటుక బట్టీలపై దాడులు జరిపి నలుగురు నిందితులను అరెస్ట చేశారు. నిందితులపై పోక్సో కేసు నమోదు కోర్టుకు పంపారు.