కత్తితో దాడి చేసిన వ్యక్తిపై కేసు నమోదు

దిశ, పెద్దపల్లి : కత్తితో దాడి చేసిన వ్యక్తిపై కేసు నమోదు చేసినట్లు పెద్దపల్లి ఎస్ఐ లక్ష్మణ్ రావు తెలిపారు.పెద్దపల్లి అంబేద్కర్ చౌరస్తా వద్ద గల చికెన్ సెంటర్ సమీపంలో అమర్ నగర్ కు చెందిన గౌస్ బాబా (14) అనే బాలుడిని బండారికుంటకు చెందిన ఎస్డి చాంద్ (30) అనే వ్యక్తి వ్యక్తిగత విషయాల్లో గొడవపడ్డాడు. అనంతరం ఆగ్రహంతో చికెన్ సెంటర్ లో గల కత్తితో గౌస్ బాబా మెడపై పొడిచి గాయపరిచాడు. గౌస్ బాబా తల్లి అగు సనీయ బేగం ఫిర్యాదు మేరకు కేసు నమోదు చేసి నిందితుడిని అరెస్టు చేసి రిమాండ్ కు పంపినట్లు ఎస్ఐ తెలిపారు.