బస్‌స్టాప్‌లో నిలబడి ఉన్న వారిపైకి దూసుకెళ్లిన కారు.. ఏడుగురు దుర్మరణం

దిశ, వెబ్ డెస్క్: అమెరికాలోని టెక్సాస్ రాష్ట్రంలో ఘోర ప్రమాదం చోటుచేసుకుంది. వివరాల్లోకి వెళితే.. టెక్సాస్‌లోని బిషప్ ఎన్రిక్ శానో పెడ్రో ఓజానమ్ సెంటర్ అనే స్వచ్ఛంద సంస్థకు సమీపంలోని బస్టాప్‌లో నిలబడి ఉన్నవారిపైకి ఓ కారు దూసుకెళ్లింది. ఈ ప్రమాదంలో ఏడుగురు అక్కడికక్కడే మరణించగా.. మరో 10 మందికి గాయాలయ్యాయి. అది గమనించిన స్థానికులు గాయపడిన వారిని ఆస్పత్రికి తరలించి చికిత్స అందిస్తున్నారు. మెక్సికన్ సరిహద్దు సమీపంలోని బ్రౌన్స్ విల్లే నగరంలో తెల్లవారుజామున ఈ ఘటన జరిగింది. ఈ విషయం గురించి తెలుసుకున్న పోలీసులు వెంటనే నిందితుడిని అదుపులోకి తీసుకుని విచారిస్తున్నారు. డ్రైవర్ నిర్లక్ష్యంగా వ్యవహరించడం వల్లే ఈ ప్రమాదం జరిగినట్లు తెలిపారు.