హోం గార్డుకు కరోనా పాజిటివ్

దిశ, మహబూబ్ నగర్: జిల్లాలో మరో కరోనా కేసు నమోదైంది. మహబూబ్ నగర్ రూరల్ మండలం అల్లిపూర్ గ్రామానికి చెందిన ఓ వ్యక్తికి కరోనా పాజిటివ్ గా నిర్ధారణ అయ్యింది. అతను జోగులాంబ-గద్వాల జిల్లా కేంద్రంలోని పోలీస్ స్టేషన్ లో హోంగార్డుగా విధులు నిర్వర్తిస్తున్నట్లు అధికారులు గుర్తించారు. ఈ నేపథ్యంలో అల్లిపూర్ గ్రామంలో అతను ఎవరెవరిని కలిశాడు అనే వివరాలపై వైద్య శాఖ అధికారులు విస్తృతంగా ఆరా తీస్తున్నారు.