సూర్యాపేటలో ఒకరికి కరోనా.. ఖమ్మంలో 35 మంది క్వారంటైన్‌

దిశ‌, ఖ‌మ్మం: ఖ‌మ్మం జిల్లా తిరుమలాయపాలెం మండలంలో మంగ‌ళ‌వారం కరోనా కలకలం సృష్టించింది. సూర్యాపేట జిల్లా ఏపూరుకు చెందిన ఓ మహిళ వారం రోజుల క్రితం జూపెడకు వ‌చ్చి వెళ్లింది. సోమ‌వారం సూర్యాపేట‌లో ఆ మ‌హిళ‌కు కరోనా సోకినట్లు తేలడంతో అధికారులు అప్రమత్తమ‌య్యారు. జూపెడ‌లోని ఐదు కుటుంబాలకు చెందిన 35 మందిని అధికారులు జిల్లా ఆస్ప‌త్రిలోని క్వారంటైన్‌కు తరలించారు. Tags: coronavirus, Khammam, Jupeda, 35 people quarantine