బంగారు తెలంగాణ కోసం ప్రాజెక్టుల నిర్మాణం

దిశ, మెదక్: తెలంగాణను.. బంగారు తెలంగాణ చేయటం కోసమే ప్రాజెక్ట్‌ల నిర్మాణమని మంత్రి ఈటెల అన్నారు. సిద్దిపేట జిల్లా చిగురుమామిడి మండలం పీచుపల్లి వద్ద ఉన్న లింక్ కాల్వల అభివృద్ధి పనులను సోమవారం మంత్రి పరిశీలించారు. అనంతరం మంత్రి మాట్లాడుతూ.. రైతులకు సాగునీరు అందించేందుకు ప్రభుత్వం కాళేశ్వరం ప్రాజెక్టు ద్వారా గోదారి జలాలను తరలిస్తుందన్నారు. రైతులు పిల్ల కాలువలను సిద్ధం చేసుకోవాలని సూచించారు. ఈ కార్యక్రమంలో హుస్నాబాద్ ఎమ్మెల్యే వొడితల సతీష్ కుమార్, మానకొండూర్ ఎమ్మెల్యే రసమయి బాలకిషన్, జిల్లా పరిషత్తు చైర్మన్ కనుమళ్ల విజయ, సుడా చైర్మన్ జివి రామకృష్ణ రావు పాల్గొన్నారు.