గాంధీ భవన్‌లో కాంగ్రెస్ పొలిటికల్ ఎఫైర్స్ కమిటీ భేటీ..

దిశ, వెబ్‌డెస్క్ : నగరంలోని గాంధీభవన్‌లో కాంగ్రెస్ పొలిటికల్ అఫైర్స్ కమిటీ భేటీ అయ్యింది. దీనికి కాంగ్రెస్ రాష్ట్ర వ్యవహారాల ఇన్‌చార్జి మాణిక్యం ఠాగూర్, టీపీసీసీ చీఫ్ రేవంత్ రెడ్డి అధ్యక్షతన వహించనున్నట్టు తెలుస్తోంది. అయితే, ఈ మీటింగ్‌కు భువనగిరి ఎంపీ కోమటిరెడ్డి వెంకటరెడ్డి, సంగారెడ్డి ఎమ్మెల్యే జగ్గారెడ్డి హాజరు కాలేదు. హుజురాబాద్ ఉపఎన్నికలో ఓటమిపై ఈ సమావేశంలో కమిటీ సమీక్షించనున్నట్టు సమాచారం. అయితే, హుజురాబాద్ ఉపఎన్నికలో ఓటమికి తనదే బాధ్యత అని రేవంత్ ప్రకటించిన విషయం తెలిసిందే. అంతకుముందు ఎన్నికల్లో గెలిస్తే రేవంత్ రెడ్డి ఆ విజయాన్ని తన ఖాతాలో వేసుకుంటారని, ఓటమి చవిచూస్తే సీనియర్ల ఖాతాలో వేస్తారని జగ్గారెడ్డి కామెంట్స్ చేయడంతో ఓటమికి బాధ్యత తానే వహిస్తున్నట్టు రేవంత్ ప్రకటన చేశారు.