‘వకీల్ సాబ్’ డబ్బింగ్ కంప్లీట్.. పిక్స్ రిలీజ్ చేసిన మేకర్స్

దిశ, సినిమా: పవర్ స్టార్ పవన్ కళ్యాణ్ ‘వకీల్ సాబ్’ ఏప్రిల్ 9న వరల్డ్ వైడ్ గ్రాండ్‌గా రిలీజ్ కానుంది. ఈ మేరకు మ్యూజిక్ ఫెస్ట్, ప్రమోషన్స్ అంటూ మూవీ యూనిట్ డేట్స్ అనౌన్స్ చేయడంతో.. సక్సెస్ చేసేందుకు అభిమానులు తమ ప్లాన్స్‌తో ఆల్రెడీ రెడీగా ఉన్నారు. ఈ క్రమంలో మార్చి 29న విడుదల కానున్న ‘వకీల్ సాబ్’ ట్రైలర్ కోసం ఈగర్‌గా వెయిట్ చేస్తున్నారు. కాగా పవర్‌స్టార్ ఇప్పటికే తన డబ్బింగ్ వర్క్ పూర్తి చేసేశాడు. ఈ విషయాన్ని నిర్మాణ సంస్థ శ్రీ వెంకటేశ్వర క్రియేషన్స్ ట్విట్టర్ ద్వారా తెలిపింది. ఈ సందర్భంగా దర్శకుడు వేణు శ్రీరామ్, టెక్నికల్ టీమ్‌తో కలిసి ఉన్న పవన్ ఫొటోను షేర్ చేసింది. కాగా మార్చి 29న ట్రైలర్ రిలీజ్ చేస్తామని మేకర్స్ ప్రకటించిన నేపథ్యంలో ఏ టైమ్‌కు విడుదల చేస్తారో చెప్పాలని డిమాండ్ చేస్తున్నారు ఫ్యాన్స్.