పిల్లి పోయిందంటూ యాదగిరిగుట్ట పీఎస్ లో ఫిర్యాదు

దిశ, యాదగిరిగుట్ట: సాధారణంగా పోలీస్ స్టేషన్ కు గొడవలయ్యాయనో లేదా వస్తువులు పోయాయనో లేదా ఇతర విధంగా ఫిర్యాదులు వస్తుంటాయి. కానీ, యాదగిరిగుట్ట పోలీస్ స్టేషన్ కు మాత్రం వింతైన ఫిర్యాదు వచ్చింది. పిల్లిని ఎవరో దొంగిలించారంటూ ఫిర్యాదు వచ్చింది. పోలీసులు తెలిపిన వివరాల ప్రకారం.. గౌరాయపల్లికి చెందిన రామచంద్రారెడ్డి అనే వ్యక్తి శుక్రవారం యాదగిరిగుట్ట పోలీస్ స్టేషన్ కు వచ్చి ఫిర్యాదు చేశాడు. తన పెంపుడు పిల్లి అపహరణకు గురైందని, పిల్లి కనిపించకపోవడంతో తన కుమారులు రెండు రోజుల నుంచి అన్నం తినడంలేదని ఆ ఫిర్యాదులో రామచంద్రారెడ్డి పేర్కొన్నాడు.