నిజామాబాద్‌లో మరో మూడు కరోనా కేసులు

దిశ, నిజామాబాద్: నిజామాబాద్ జిల్లాలో కొత్తగా మరో మూడు కరోనా కేసులు నమోదు అయ్యాయని కలెక్టర్ నారాయణరెడ్డి తెలిపారు. సోమవారం 103 మందికి శాంపిల్స్ సేకరించగా.. అందులో 100 మందికి నెగిటెవ్ రాగా, ముగ్గురికి పాజిటివ్ వచ్చిందని ఆయన స్పష్టం చేశారు. దీంతో జిల్లాలో మొత్తం కరోనా పాజిటివ్ కేసులు 52కు చేరాయన్నారు. కరోనా నివారణ కోసం ప్రభుత్వం సూచించే నిబంధనలను ప్రజలు కచ్చితంగా పాటించాలన్నారు. రానున్న పది రోజులను కీలకంగా భావించాలని సూచించారు. ప్రజలు చిన్న చిన్న అవసరాలను వదులుకొని.. కరోనా బారిన పడకుండా ఉండాలని కలెక్టర్ నారాయణరెడ్డి కోరారు.

tag: collector narayana reddy, Three corona positive cases, Nizamabad