సమస్యలు వేగ వంతంగా పరిష్కరించాలి

దిశ, భువనగిరి: ప్రజావాణి ఫిర్యాదులను క్షేత్ర స్థాయిలో పరిశీలించి, వేగవంతంగా పరిష్కరించాలని యాదాద్రి-భువనగిరి జిల్లా కలెక్టర్ అనితా రామచంద్రన్ సూచించారు. సోమవారం జిల్లా కలెక్టరేగట్‌లో ప్రజావాణిలో భాగంగా ఫోన్ ఇన్ కార్యక్రమం నిర్వహించారు. ఈ సందర్భంగా 30 ఫిర్యాదులు స్వీకరించారు. అనంతరం వెంటనే పరిష్కరించి, అర్హులకు న్యాయం చేయాలని ఆమె ఆదేశించారు.

ఈ సందర్భంగా భువనగిరి మండలం సూరేపల్లిలో వర్షాలకు దెబ్బతిన్న చెరువు కట్టను ఆమె పరిశీలించి, తక్షణమే మరమ్మతులు చేయాలని, సంబంధిత ఇరిగేషన్ ఏఈ బాలకృష్ణకు ఆదేశాలు జారీ చేశారు. ఫోన్ ఇన్ కార్యక్రమంలో భాగంగా వచ్చిన ఫిర్యాదులను సత్వరమే స్వీకరించాలని అధికారులను ఆదేశించారు.