ప్రభాస్ హాలీవుడ్ ఎంట్రీ రచ్చపై ఆ దర్శకుడు ఏమన్నాడంటే..?

దిశ, వెబ్ డెస్క్: ‘బాహుబలి’ చిత్రంతో పాన్ ఇండియా స్టార్ గా మారిపోయాడు యంగ్ రెబెల్ స్టార్ ప్రభాస్. ప్రస్తుతం ఈ హ్యాండ్సమ్ హల్క్ చేస్తున్న సినిమాలన్నీ పాన్ ఇండియావే కావడం గమనార్హం. ఇప్పటికే రాధే శ్యామ్, సలార్ సెట్స్ మీద ఉండగా ఆదిపురుష్ త్వరలోనే ప్రారంభం కానుంది. ఇకపోతే గతకొద్దిరోజుల నుంచి ప్రభాస్ హాలీవుడ్ ఎంట్రీపై నెట్టింట రూమర్లు చక్కర్లు కొడుతున్నాయి. హాలీవుడ్ ఫేమస్ మూవీ ‘మిషన్ ఇంపాజిబుల్ 7’ లో ప్రభాస్ నటిస్తున్నాడని, ‘రాధే శ్యామ్’ షూటింగ్ కోసం ఇటలీ వెళ్లినప్పుడు ఆ సినిమా దర్శకుడు క్రిస్టోఫర్ మాక్ క్వరీ, ప్రభాస్ తో మాట్లాడ్డం జరిగింది అని వార్తలు నెట్టింట వైరల్ గా మారాయి. అంతే కాకుండా ప్రభాస్ ఆ సినిమాలో హాలీవుడ్ హీరో టామ్ క్రూయిజ్ తో కూడా కనిపిస్తాడని తెలియడంతో ప్రభాస్ ఫ్యాన్స్ ఈ వార్తను వైరల్ గా మార్చారు.

ఇక ఈ రూమర్స్ కి దర్శకుడు క్రిస్టోఫర్ మాక్ క్వరీ చెక్ పెట్టారు. తాజాగా ఈ వార్తలపై స్పందించిన ఆయన “ప్రభాస్ చాలా టాలెంట్ ఉన్న నటుడు.. కానీ ఇప్పటివరకు నేను అతనిని కలవలేదు” అని ట్వీట్ చేశారు. ఇకపోతే ఒక హాలీవుడ్ దర్శకుడు ప్రభాస్ ని పొగడ్తలతో ముంచేయడంతో డార్లింగ్ అభిమానులు ఆనందం వ్యక్తం చేస్తున్నారు. ఇక దీంతో డార్లింగ్ హాలీవుడ్ ఎంట్రీ పై క్లారిటీ వచ్చినట్టే..