దిశ, వెబ్‌డెస్క్: 'శ్యామ్ సింగరాయ్' తర్వాత నాని జోరు పెంచాడు. 'అంటే సుందరానికి' చిత్రీకరణ పూర్తిచేసుకొని ఇప్పుడు 'దసరా' సినిమాను లైన్లో పెట్టేశాడు. ఈ సినిమాలో కీర్తి సురేష్ హీరోయిన్‌గా నటించనుంది. ఈ మూవీలో నాని, కీర్తి ఇద్దరూ కూడా డీగ్లామర్‌ పాత్రల్లో కనిపించనున్నారు. దీంతో మూవీ మేకర్స్ తాజాగా వీరికి లుక్ టెస్ట్ నిర్వహించారు.
కీర్తి సురేష్, నాని డీగ్లామ్ పాత్రల్లో ఓ ఫొటో షూట్‌ చేశారు. ఈ ఫొటో షూట్‌తో సంతృప్తి చెందిన నిర్మాతలు వీరితోనే సినిమాను చేసేందుకు రెడీ అయ్యారు. నాని, కీర్తి ఇద్దరూ కూడా తమ పాత్రలకు సరిపోయారని, వారి పాత్రలకు వారి నటన జోడైతే అద్భుతంగా ఉంటుందని మేకర్స్ అంటున్నారు.
ఇదిలా ఉంటే ఈ సినిమా తెలంగాణలోని ఓ గ్రామం బ్యాక్‌డ్రాప్‌లో తెరకెక్కనుంది. అందుకే ప్రస్తుతం నాని తెలంగాణ యాసలో మాట్లాడేందుకు ప్రాక్టీస్ చేస్తున్నాడు. దీంతో పాటుగా ఈ సినిమా నాని కెరీర్‌లో తెరకెక్కుతున్న బిగ్ బడ్జెట్ మూవీగా తెరకెక్కనుంది.