Venkatesh: ఆ సీన్ మా అన్నయ్యకు ఇష్టం.. వంద పాములతో చేశానంటూ బాలయ్య షోలో వెంకటేష్ కామెంట్స్..

దిశ, వెబ్ డెస్క్ : ఆహా ఓటీటీలో బాలకృష్ణ ( Balakrishna) హోస్ట్ గా చేస్తున్న అన్‌స్టాపబుల్ షోకి వెంకటేష్ ( Daggubati Venkatesh ) వెళ్ళిన ఎపిసోడ్ ని మేకర్స్ విడుదల చేశారు. వీరిద్దరూ కలిసి షోలో అదిరిపోయే ఎంటర్టైన్మెంట్ ఇచ్చారు. అంతే కాదు, ఈ షో లో వెంకటేష్ ఇంట్రెస్టింగ్ విషయాలను తెలిపారు.

ఈ నేపథ్యంలోనే బొబ్బిలి రాజా మూవీలో కొండచిలువని పట్టుకున్న ఒక ఫోటోను చూపించి.. ఆ మూవీలో నిజమైన జంతువులతో తీసారా లేక రీల్ వాటితో తీసారా అని అడగగా వెంకీ షాకింగ్ విషయాలు చెప్పాడు. " ఆ మూవీ అంటే మా అన్నయ్యకు చాలా ఇష్టం. ఆ సినిమాలో నేను ఒకటి కాదు రెండు కాదు .. వంద పాములతో ఆ సీన్ చేశాను. ఓ హాలీవుడ్ మూవీ నుంచి రిఫరెన్స్ తీసుకున్నాం. నేను చెయ్యగలనా అని చాలా భయపడ్డా .. కానీ, చివరికి ధైర్యం తెచ్చుకొని ఆ పాములున్న రూమ్ లోకి దూకేసాను. కెమెరాలు దూరంగా పెట్టుకున్నారు. అక్కడ ఉండే పాముల అబ్బాయి నా మీద పాములు వేశారు అది గొప్ప అనుభవం" అంటూ ఆ మూవీ గురించి చెప్పారు.

ఇక, ఈ సంక్రాంతికి వెంకటేష్ కూడా మనల్ని అలరించబోతున్నారు. అనిల్ రావిపూడి డైరెక్షన్ లో వస్తున్న " సంక్రాంతికి వస్తున్నాం " మూవీతో జనవరి 14న ఆడియెన్స్ ముందుకు రానున్నారు. ఈ మూవీలో మీనాక్షి చౌదరి, ఐశ్వర్య రాజేష్ కథానాయికలుగా నటిస్తున్నారు.