కేరళలో సంచలనం సృష్టించి చిత్రం ఇప్పుడు తెలుగులోకి.. రిలీజ్ ఎప్పుడంటే?

దిశ, సినిమా: ట్యాలెంటెడ్ హీరో ఉన్ని ముకుందన్(Unni Mukundan) లీడ్ రోల్‌లో నటించిన చిత్రం ‘మార్కో’(Marco Movie). హనీఫ్ అదేని దర్శకత్వం వహించిన ఈ యాక్షన్ మూవీని హై బడ్జెట్‌తో క్యూబ్స్ ఎంటర్‌టైన్‌మెంట్స్‌పై షరీఫ్ ముహమ్మద్ నిర్మించారు. ఇప్పటికే కేరళలో రిలీజై సంచలన విజయం సాధించిన ఈ చిత్రాన్ని ఎన్వీఆర్ సినిమా తెలుగులో గ్రాండ్‌గా రిలీజ్ చేస్తోంది. ఈ మేరకు జనవరి 1, 2025 ‘మార్కో’ మూవీ తెలుగు ప్రేక్షకులు ముందుకు రానున్నట్లు అఫీషియల్ అనౌన్స్‌మెంట్ ఇస్తూ.. ఓ పోస్టర్ రిలీజ్ చేశారు. ఈ పోస్టర్‌లో రక్తపు మరకలతో సీరియస్‌గా చూస్తున్న ఉన్ని ముకుందన్ లుక్ టెర్రిఫిక్‌గా ఉంది. కాగా.. ఈ వైలెంట్ యాక్షన్ ఎంటర్‌టైనర్‌లో యుక్తి తరేజా, కబీర్ దుహన్ సింగ్ కీలక పాత్రలు పోషించారు.