Legally Veer: ప్రేక్షకుల ముందుకు వచ్చేస్తున్న అరుదైన లీగల్ థ్రిల్లర్‌.. రిలీజ్ ఎప్పుడంటే?

దిశ, సినిమా: అరుదైన లీగల్ థ్రిల్లర్‌ బగా ప్రేక్షకుల ముందుకు రాబోతున్న తాజా చిత్రం ‘లీగల్లీ వీర్’ (Legally Veer). వీర్ రెడ్డి, దయానంద్ రెడ్డి, ఢిల్లీ గణేశన్, గిరిధర్ ప్రధాన పాత్రల్లో న‌టిస్తున్న ఈ మూవీకి రవి గోగుల (Ravi Gogula) దర్శకత్వం వహిస్తున్నారు. సిల్వర్ కాస్ట్ బ్యానర్‌పై శాంతమ్మ మలికిరెడ్డి నిర్మిస్తున్న ఈ సినిమా డిసెంబ‌ర్ 27న ప్రేక్షకుల ముందుకు రానుంది. ఈ సంద‌ర్భంగా తాజాగా ప్రీ రిలీజ్ ఫంక్షన్‌(Pre release function)ను హైద‌రాబాద్ (Hyderabad) ప్రసాద్ ల్యాబ్‌ (Prasad Lab)లో ఘనంగా నిర్వహించారు చిత్ర బృందం.

ఈ సంద‌ర్భంగా హీరో వీర్ రెడ్డి మాట్లాడుతూ.. ‘నాకు ఎటువంటి సినీ బ్యాక్ గ్రౌండ్ లేదు. క‌రోనా టైమ్‌లో పాడ్ కాస్ట్ చేయాల‌నే ఆలోచ‌న వ‌చ్చింది. ఆ స‌మ‌యంలో సినిమా వాళ్ళతో పరిచయం ఏర్పడింది. ఓ మంచి సినిమా చేద్దాం అనుకుని, లీగల్ లాయర్‌ను కాబట్టి నాకు ఈ పాత్ర చేయ‌డం సుల‌భంగా అనిపించింది. ఇంత వరకు మన దగ్గర లీగల్ థ్రిల్లర్ సినిమాలు అంతగా రాలేదు. రియల్ కోర్టు డ్రామా ఎలా ఉంటుందో చూపించాలని అనుకున్నా ఈ సినిమా చాలా అద్భుతంగా వచ్చింది. అందరికి నచ్చుతుంది’ అని తెలిపారు. ఇక ద‌ర్శకుడు రవి మాట్లాడుతూ.. ‘వీర్ నాకు ఇచ్చిన అవకాశాన్ని సద్వినియోగం చేసుకున్నానని అనిపించింది. అరుదైన సబ్జెక్ట్. మా సినిమాను మీడియాతో పాటు ప్రేక్షకులు ఆద‌రించాలి’ అని కోరుతూ.. ఈ సినిమాను 70 థియేటర్లలో విడుదల చేస్తున్నట్లు తెలిపారు.