Shambala: ‘శంబాల’ నుంచి న్యూ ఇయర్ స్పెషల్ పోస్టర్.. హైలెట్‌గా మారిన దిష్టిబొమ్మ

దిశ, సినిమా: విభిన్న చిత్రాల్లో నటిస్తున్న ఆడియెన్స్‌ను ఆకట్టుకునే యంగ్ హీరో ఆది సాయి కుమార్ (Adi Sai Kumar) నటిస్తున్న తాజా చిత్రం ‘శంబాల’ (Shambala). ‘శంబాల: ఎ మిస్టికల్ వరల్డ్‌’ అంటూ రాబోతోన్న ఈ చిత్రానికి యుగంధర్ ముని (Yugandhar Muni) దర్శకత్వం వహిస్తుండగా.. షైనింగ్ పిక్చర్స్ బ్యానర్‌పై రాజశేఖర్ అన్నభీమోజు, మహీధర్ రెడ్డి నిర్మిస్తున్నారు. ఇందులో అర్చన అయ్యర్ కథానాయికగా నటిస్తున్నారు. ఇక ఇప్పటికే ఈ సినిమా నుంచి రిలీజైన హీరో స్పెషల్ పోస్టర్ అందరినీ ఆకట్టుకుంది. ఆది సాయి కుమార్ ఇంటెన్స్ లుక్, వింటేజ్ మేకోవర్ అదిరిపోయింది. ఇక న్యూ ఇయర్ స్పెషల్‌గా వదిలిన కొత్త పోస్టర్ శంబాల మీద మరింతగా ఆసక్తి పెంచేలా ఉంది. ఈ పోస్టర్‌లో చూపించిన ఆ పొలం.. దిష్టి బొమ్మ.. ఆకాశం నుంచి భూమ్మీదకు వస్తున్న అగ్ని కణం ఇలా అన్నీ కూడా కథ మీద అంచనాలు పెంచేలా ఉన్నాయి. కాగా.. ఈ చిత్రంలో స్వాసిక, రవివర్మ, మీసాల లక్ష్మణ్, మధునందన్ తదితరులు ముఖ్య పాత్రలను పోషిస్తున్నారు. ప్రజెంట్ ‘శంబాల’ హైదరాబాద్‌లోని ఆర్‌ఎఫ్‌సిలో శరవేంగా చిత్రీకరణ జరుపుకుంటోంది.

Read More ...

కొత్త సినిమా ప్రకటించిన టాలీవుడ్ యంగ్ హీరో.. ఆసక్తికరంగా మారిన ఫస్ట్ లుక్ పోస్టర్