పట్టు చీర కట్టిన పుత్తడి బొమ్మా.. జాన్వీ బర్త్ డే ట్రీట్ అదిరింది

దిశ, సినిమా: బాలీవుడ్ బ్యూటీ 'జాన్వీ కపూర్' నేడు 25వ పుట్టిన రోజు జరుపుకుంటోంది. అయితే ఈ జన్మదిన వేడుకలు ఒక రోజుముందే మొదలవగా సోషల్ మీడియాలో తన వీడియోలో హల్ చల్ చేస్తున్నాయి. తాజాగా ముంబై ఎయిర్ పోర్టులో ఓ అభిమాని తనతో కేకు కట్ చేయించిన వీడియో తెగ వైరల్ కాగా.. పెద్ద ఎత్తున బర్త్ డే విషెస్ చెబుతున్నారు ఫ్యాన్స్. అలాగే తన బర్త్ డే సందర్భంగా శ్రీ వేంకటేశ్వర స్వామి దర్శనంకోసం ఫ్రెండ్స్‌తో కలిసి తిరుపతి దేవస్థానానికి వెళ్లినట్లు తెలిపిన జాన్వీ.. ఇందుకు సంబంధించిన ఫొటోలను నెట్టింట్లో పోస్ట్ చేసింది. అంతేకాదు 'ॐ శ్రీ వేంకటేశ్వరాయే నమో నమః శ్రీమన్ నారాయణ నమో నమః తిరుమల తిరుపతి నమో నమః' అంటూ తన తన పోస్ట్‌కు క్యాప్షన్ ఇచ్చిన నటి.. సాంప్రదాయ పద్ధతిలో చీర కట్టుకుని చూడ ముచ్చటగా కనిపిస్తోంది.