Drinker Sai: లవ్‌లో పెయిన్‌ను తెలిపేలా ‘డ్రింకర్ సాయి’ నుంచి సాంగ్

దిశ, సినిమా: ధర్మ (Dharma), ఐశ్వర్య శర్మ (Aishwarya Sharma) జంటగా నటిస్తున్న సినిమా ‘డ్రింకర్ సాయి’ (Drinker Sai). ‘బ్రాండ్ ఆఫ్ బ్యాడ్ బాయ్స్’ అనే ట్యాగ్ లైన్‌తో తెరకెక్కుతున్న ఈ చిత్రాన్ని ఎవరెస్ట్ సినిమాస్, స్మార్ట్ స్క్రీన్ ఎంటర్‌టైన్మెంట్స్ బ్యానర్స్‌పై బసవరాజు శ్రీనివాస్, ఇస్మాయిల్ షేక్, బసవరాజు లహరిధర్ నిర్మిస్తున్నారు. కొన్ని వాస్తవ ఘటనల ఆధారంగా దర్శకుడు కిరణ్ తిరుమలశెట్టి (Kiran Tirumalashetty) రూపొందిస్తున్న ‘డ్రింకర్ సాయి’ ఈ నెల 27న రిలీజ్‌కు రెడీ అ‌వుతోంది.

ఈ క్రమంలో తాజాగా ఈ సినిమా నుంచి ఫోర్త్ సింగిల్ ‘అర్థం చేసుకోవు ఎందుకే..’ లిరికల్ సాంగ్ రిలీజ్ చేశారు. ‘అర్థం చేసుకోవు ఎందుకే.. అర్థం చేసుకోవు ఎందుకే.. ఎన్నెన్నో చెబుతున్నా, ఏవేవో చేస్తున్నా అర్థం చేసుకోవు ఎందుకే’ అంటూ లవ్‌లోని పెయిన్‌ను తెలిపేలా ఉన్న ఈ లిరికల్ సాంగ్‌ను శ్రీ వసంత్ కంపోజ్ చేయగా, చంద్రబోస్ లిరిక్స్ అందించారు. ప్రముఖ సంగీత దర్శకుడు హేషమ్ అబ్దుల్ వాహబ్ పాడారు.