RRB JE Admit Card: రైల్వే అభ్యర్థులకు బిగ్ అలర్ట్.. ఆర్‌ఆర్‌బీ జేఈ అడ్మిట్ కార్డులు విడుదల..!

దిశ, వెబ్‌డెస్క్: దేశవ్యాప్తంగా వివిధ రైల్వే జోన్లలో ఖాళీగా ఉన్న జూనియర్ ఇంజినీర్(JE) ఉద్యోగాలకు గత జులై(July)లో రైల్వే రిక్రూట్మెంట్ బోర్డు(RRB) నోటోఫికేషన్ రిలీజ్ చేసిన విషయం తెలిసిందే. ఈ రిక్రూట్మెంట్ ద్వారా మొత్తం 7,951 ఖాళీలను భర్తీ చేయనున్నారు. ఈ పోస్టులకు సంబంధించి దరఖాస్తు ప్రక్రియ జులై 30వ తేదీ నుంచి ఆగస్టు 29 వరకు కొనసాగింది. డిసెంబర్ 16,17,18 తేదీల్లో కంప్యూటర్ బేస్డ్ టెస్ట్(CBT) విధానంలో ఈ పరీక్షలను నిర్వహించనున్నారు. ఇదిలా ఉంటే ఈ రాత పరీక్షలకు సంబంధించి అడ్మిట్ కార్డుల(Admit Card)ను ఆర్‌ఆర్‌బీ తాజాగా విడుదల చేసింది. అప్లై చేసుకున్న అభ్యర్థులు అధికారిక వెబ్ సైట్ https://www.rrbcdg.gov.in/ ద్వారా అడ్మిట్ కార్డులను డౌన్లోడ్ చేసుకోవచ్చు.