MBBS మొదటి సంవత్సరం పరీక్షా ఫలితాలు విడుదల

దిశ, తెలంగాణ బ్యూరో: ఎంబీబీఎస్ మొదటి సంవత్సరం పరీక్షల ఫలితాలను కాళోజీ ఆరోగ్య వైద్య విశ్వవిద్యాలయం గురువారం ప్రకటించింది. ఈ ఏడాది ఫిబ్రవరి నెలలో ఎంబీబీఎస్‌ మొదటి సంవత్సరం రెగ్యులర్, బ్యాక్ లాగ్ పరీక్షలు నిర్వహించగా రెగ్యులర్ పరీక్షల్లో మొత్తం 77.00 శాతం ఉత్తీర్ణత సాధించారు. వీరిలో 127 మంది డిస్టింక్షన్‌ రాగ 2240 మంది విద్యార్థులు ప్రథమ శ్రేణిలో నిలిచారు. మిగిలిన 1767 మంది విద్యార్థులు పాస్ అయ్యారు. మొత్తం 5369 మంది విద్యార్థులు హాజరు కాగా 4134 ఉత్తీర్ణత సాధించారని విశ్వవిద్యాలయం పరీక్షల నియంత్రణాధికారి డాక్టర్‌ వై మల్లేశ్వర్ ఒక ప్రకటనలో తెలిపారు. ఫలితాలను విశ్వవిద్యాలయం వెబ్‌సైట్‌ www.knruhs.telangana.gov.in లో చూడచ్చని ఆయన ఆ ప్రకటనలో తెలిపారు.