త్వరలో ఐబీపీఎస్ క్లర్క్ నోటిఫికేషన్

దిశ,వెబ్‌డెస్క్: ఇన్‌స్టిట్యూట్ ఆఫ్ బ్యాంకింగ్ పర్సనల్ సెలక్షన్ (ఐబీపీఎస్) 2024- 25 ఏడాదికి కామన్ రిక్రూట్‌మెంట్ ప్రాసెస్ (సీఆర్‌పీ) -XIII నోటిఫికేషన్ విడుదలకు రంగం సిద్ధం చేస్తోంది. ఈ నోటిఫికేషన్ ద్వారా దేశ వ్యాప్తంగా ఉన్న ప్రభుత్వ రంగ బ్యాంకుల్లో క్లర్క్ పోస్టుల భర్తీకి చర్యలు చేపట్టనుంది. ఈ పోస్టుల్లో ఏపీ, తెలంగాణల్లోనూ పోస్టులున్నాయి. ఈ పోస్టులకు ఏదైనా డిగ్రీతోపాటు కంప్యూటర్ పరిజ్ఞానం ఉన్నవారు అర్హులు. త్వరలో ఐబీపీఎస్ నోటిఫికేషన్ విడుదల కానుంది. ఈ పోస్టులకు వయసు 20 నుంచి 28 ఏళ్ల మధ్య ఉన్నవారు దరఖాస్తు చేసుకోవచ్చు.

ప్రిలిమినరీ, మెయిన్ పరీక్షల ఆధారంగా ఎంపిక చేస్తారు. అయితే ఈ నోటిఫికేషన్ ద్వారా బ్యాంక్ ఆఫ్ బరోడా, కెనరా బ్యాంక్, ఇండియన్ ఓవర్సీస్ బ్యాంక్, యూకో బ్యాంక్, బ్యాంక్ ఆఫ్ ఇండియా, సెంట్రల్ బ్యాంక్ ఆఫ్ ఇండియా, పంజాబ్ నేషనల్ బ్యాంక్, యూనియన్ బ్యాంక్ ఆఫ్ ఇండియా, బ్యాంక్ ఆఫ్ మహారాష్ట్ర, ఇండియన్ బ్యాంక్‌లలో పోస్టులను భర్తీ చేయనున్నారు. పూర్తి వివరాలు త్వరలో వచ్చే నోటిఫికేషన్‌లో తెలియజేస్తారు.