ఇండియా మార్కెట్లోకి కవాసకి కొత్త మోడల్ ‘W175 స్ట్రీట్’

దిశ, వెబ్‌డెస్క్: ప్రముఖ టూవీలర్ తయారీ కంపెనీ కవాసకి కొత్త మోడల్ ‘W175 స్ట్రీట్’ బైకును ఇండియాలో లాంచ్ చేసింది. దీని ప్రారంభ ధర రూ.1.35 లక్షలు (ఎక్స్-షోరూమ్). ఇది ఎమరాల్డ్ గ్రీన్, మెటాలిక్ మూండస్ట్ గ్రే అనే రెండు కొత్త కలర్ ఆప్షన్‌లలో అందుబాటులో ఉంది. దీనిలో 177cc, ఎయిర్-కూల్డ్, సింగిల్-సిలిండర్ ఇంజన్‌ను అమర్చారు. 7,000 rpm వద్ద 13 bhp, 6,000 rpm వద్ద 13.2 Nm గరిష్ట టార్క్‌ను విడుదల చేస్తుంది. ఇది ఐదు-స్పీడ్ గేర్‌బాక్స్‌తో వస్తుంది. బ్రేకింగ్ కోసం డ్యూయల్-ఛానల్ ABS సిస్టం ఉంది. పెట్రోల్ ట్యాంక్ కెపాసిటీ 12-లీటర్లు. ఈ బైక్‌లో సెమీ-డిజిటల్ ఇన్స్ట్రుమెంట్ కన్సోల్‌, ముందు, వెనక మెరుగైన టెలిస్కోపిక్ ఫోర్క్‌ సస్పెన్షన్, స్పోక్ వీల్స్- ట్యూబ్ టైర్‌లకు బదులుగా అల్లాయ్ వీల్స్-ట్యూబ్‌లెస్ టైర్‌లను అందించారు.