గత్తర బిత్తర.. గందరగోళానికి మారుపేరు టీఆర్ఎస్ సర్కార్

దిశ, వెబ్‌డెస్క్: తెలంగాణ ప్రభుత్వంపై కీలక బీజేపీ నేత, ప్రముఖ సినీ నటి విజయశాంతి తీవ్రస్థాయిలో విమర్శలు చేశారు. ట్విట్టర్ వేదికగా స్పందించిన ఆమె కరోనా కట్టడిలో రాష్ట్ర ప్రభుత్వం పూర్తిగా విఫలం అయిందని అన్నారు. ‘‘తెలంగాణ సర్కారంటే గత్తర బిత్తర గందరగోళానికి మారుపేరు అని సీఎం కేసీఆర్ గారు పదేపదే నిరూపిస్తున్నారు. రాష్ట్రాన్ని దాదాపు నెలన్నరగా కోవిడ్ సెకెండ్ వేవ్ తీవ్రస్థాయిలో వేధిస్తుంటే నిర్లక్ష్యంగా వ్యవహరించి, ఇప్పుడు ఒక ప్రణాళిక లేకుండా ఆదరాబాదరాగా ఏం తోస్తే అది చేస్తున్నారు. వరంగల్, అదిలాబాద్ జిల్లాల్లో సూపర్ స్పెషాలిటీ హాస్పిటల్స్ ప్రారంభం.. సిబ్బంది నియామకం అంటూ ఆదేశాలిచ్చారు. ప్రజారోగ్యం పట్ల సీఎం గారికి అంత శ్రద్ధ ఉంటే… కరోనా పీడిస్తున్న గత ఏడాది కాలంలోనే ఈ పనులు ఎందుకు చెయ్యలేదని ప్రశ్నించారు.