హైదరాబాద్‌తో బీజేపీకి విడదీయరాని బంధం

దిశ, వెబ్ డెస్క్: హైదరాబాద్‌తో బీజేపీకి విడదీయరాని బంధం ఉందని కేంద్ర హోం శాఖ సహాయ మంత్రి కిషన్ రెడ్డి అన్నారు. గతంలో కన్నా ఇప్పుడు బీజేపీపై ప్రజలకు విశ్వాసం బాగా పెరిగిందన్నారు. గత ఎన్నికల్లో ఇచ్చిన హామీలను టీఆర్ఎస్ పార్టీ ఇప్పటికీ నెరవేర్చలేదని అన్నారు. డబుల్ బెడ్ రూం ఇండ్లు ఏమయ్యాయో చెప్పాలని డిమాండ్ చేశారు.

ఇండ్లు ఇస్తారన్న నమ్మకంతో ఎన్నికల్లో టీఆర్ఎస్‌కు ప్రజలు ఓట్లేశారని తెలిపారు. హైదరాబాద్‌లో గుంతలు లేని రోడ్డు ఒక్కటైనా ఉందా అని ప్రశ్నించారు. హైదరాబాద్ సముద్రంగా మారడానికి ఈ ప్రభుత్వం కారణం కాదా అని అన్నారు. వరదల వల్ల దాదాపు 15లక్షల మంది నిరాశ్రయులయ్యారని తెలిపారు.