దేశంలోనే టాప్ 3లో హెచ్ సీయూ

దిశ, శేరిలింగంపల్లి:హైదరాబాద్ సెంట్రల్ యూనివర్సిటీ జాతీయ స్థాయిలో మరోసారి తన గుర్తింపును చాటుకుంది. ఇటీవల ఇండియా టుడే నిర్వహించిన సర్వేలో హెచ్‌సీయూ దేశంలోని పబ్లిక్‌ యూనివర్సిటీల్లో టాప్‌ 3లో చోటు దక్కించుకుంది. జనరల్‌, టెక్నికల్‌, మెడికల్‌, లీగల్‌ అంశాలను పరిగణలోకి తీసుకుని నిర్వహించిన ఈ సర్వేలో హెచ్ సీయూకు టాప్ 3లో నిలిచింది. ఇండియాటుడే సర్వేలో 1000కి పైగా యూనివర్సిటీలు, 155 ఇంటర్నేషనల్‌ ప్రాముఖ్యత కలిగిన యూనివర్సిటీలు ఉన్నాయి. హైదరాబాద్ సెంట్రల్ యూనివర్సిటీలోని అకాడమిక్‌, పరిశోధన ఇన్‌ ఫ్రాస్ట్రక్చర్‌, నివాసం, వ్యక్తిగత, లీడర్‌‌షిప్‌ పెంపుదల, ఉద్యోగ అవకాశాలు తదితర అంశాలు మెరుగ్గా ఉండడంతో ఈ ర్యాంక్ సొంతం చేసుకుందని వర్సిటీ వైస్ ఛాన్స్​‍లర్‌ ప్రొఫెసర్‌ బీజే రావు తెలిపారు.