కత్రినా-విక్కీ కౌశల్ జంటకు ‘బేర్ గ్రిల్స్, మలాల యూసుఫ్’ సర్ ప్రైజ్..

దిశ, వెబ్‌డెస్క్ : బాలీవుడ్ ప్రేమపావురాలు కత్రినా కైఫ్, విక్కీ కౌశల్ ఎట్టకేలకు ఒక్కటయ్యారు. డిసెంబర్ -9వ తేదిన వీరిద్దరూ పెళ్లిపీఠలెక్కారు. ప్రస్తుతం వీరి పెళ్లికి సంబంధించిన పిక్స్ సోషల్ మీడియాలో తెగ వైరల్ అవుతున్నాయి. ఒక్క బాలీవుడ్ ఇండస్ట్రీ నుంచే కాకుండా ప్రపంచవ్యాప్తంగా ఉన్న ప్రముఖులు వీరికి శుభాకాంక్షలు చెబుతున్నారు. బాలీవుడ్ ఇండస్ట్రీలో సీనియర్ హీరోయిన్‌గా కొనసాగుతున్న కత్రినా కైఫ్, ఇప్పుడిప్పుడే చిత్ర పరిశమ్రలో హీరోగా నిలదొక్కుకుంటున్న నటుడు విక్కీ కౌశల్ లవ్ స్టోరీ ఒక సెన్సెషన్.. కత్రినా తన కెరీర్ తొలినాళ్లలో సల్మాన్ ఖాన్, హృతిక్ రోషన్, రణబీర్ కపూర్ వంటి హీరోలతో లవ్‌స్టోరీ నడిపిందని అప్పట్లో జోరుగా వార్తలు వచ్చాయి.

‘యూరీ’ మూవీ తర్వాత విక్కీ కౌశల్ మంచి నటుడిగా గుర్తింపు పొందాడు. ఈ క్రమంలోనే వీరిద్దరి మధ్య సీక్రెట్ లవ్ చిగురించింది. కొన్నేళ్ల పాటు సాగిన వీరి ప్రేమ వ్యవహారానికి ఎట్టకేలకు కత్రినా- విక్కీ ఎండ్ కార్డు్ వేశారు. వీరి లవ్ కూడా మధ్యలోనే బ్రేకప్ అవుతుందని ఆరోపించిన వారి నోర్లకు ‘మూడు మూళ్ల’తో గట్టిగా బదులిచ్చారు. అయితే, వివాహానంతరం బాలీవుడ్ సెలబ్రిటీలు, ప్రముఖులు నవ దంపతులకు శుభాకాంక్షలు తెలపగా.. బ్రిటీష్ అడ్వెంచరర్ ‘బేర్ గ్రిల్స్’, పాకిస్థాన్‌కు చెందిన నోబెల్ గ్రహీత ‘మలాల యూసుఫ్ జాయ్’ కూడా కత్రినా, విక్కీ కౌశల్ జంటకు సర్ ప్రైజ్ ఇచ్చారు. వీరిద్దరూ ఒక్కటయ్యారనే విషయం తెలుసుకుని బేర్ గ్రిల్స్ ‘సో వండర్ ఫుల్’ అని ట్వీట్ చేయగా.. మలాల యూసుఫ్ జాయ్ మాత్రం ‘కంగ్రాట్స్’ అంటూ పేర్కొంది.