ఎన్నికల నిర్వహణ విషయంలో జోక్యం చేసుకోలేము-ఏపీ హైకోర్టు

దిశ,వెబ్ డెస్క్: ఆంధ్రప్రదేశ్ స్థానిక సంస్థల ఎన్నికల వ్యవహారమై హైకోర్టు కీలక వ్యాఖ్యలు చేసింది. ఏపీలో జెడ్పీటీసీ, ఎంపీటీసీ ఎన్నికలు నిర్వహించేలా రాష్ట్ర ఎన్నికల కమిషన్ ను ఆదేశించాలన్న పిటిషన్ పై మంగళవారం హైకోర్టు విచారణ చేపట్టింది. ఈ ఎన్నికలు వెంటనే జరగాలని ఎస్ఈసీని ఆదేశించలేమని న్యాయస్థానం స్పష్టం చేసింది. పరిషత్ ఎన్నికలకు నోటిఫికేషన్ ఇవ్వాలని దాఖలైన అనుబంధ పిటిషన్లను డిస్మిస్ చేసింది.ఎన్నికల నిర్వహణ విషయంలో జోక్యం చేసుకోలేమని.. ఎప్పుడు నిర్వహించాలనేది ఎస్ఈసీ నిర్ణయమని అభిప్రాయపడింది. ఈ కేసులో కౌంటరు దాఖలు చేయాలని రాష్ట్ర ప్రభుత్వం, రాష్ట్ర ఎన్నికల సంఘానికి నోటీసులు జారీ చేసింది.దీనిపై తదుపరి విచారణ ఈ నెల 30 కి వాయిదా వేసింది.