మూడు కేజీల గంజాయి స్వాధీనం..ఇద్దరి అరెస్ట్

దిశ,కడప:కడప నగరం చిన్న చౌక్ పోలీస్ స్టేషన్ పరిధిలో ఇరువురు వ్యక్తులను అరెస్టు చేసి వారి వద్ద నుండి 3 కేజీల గంజాయి స్వాధీనం చేసుకున్నట్లు చిన్న చౌక్ పోలీస్ స్టేషన్ ఇన్ ఛార్జ్ సి.ఐ వి సీతారామిరెడ్డి తెలిపారు. శనివారం చిన్న చౌక్ పోలీస్ స్టేషన్‌లో ఏర్పాటు చేసిన విలేకరుల సమావేశంలో సీఐ మాట్లాడుతూ జిల్లా ఎస్పీ వి.హర్షవర్ధన్ రాజు ఆదేశాల మేరకు ఇన్‌ఛార్జ్ డి.ఎస్పీ ఎన్ సుధాకర్ పర్యవేక్షణలో డిస్ర్టిక్ట్ నార్కోటిక్స్ కంట్రోల్ సెల్ ఆధ్వర్యంలో గంజాయి విక్రయాలపై విస్తృతంగా దాడులు నిర్వహిస్తున్నామన్నారు. ఎస్.ఐ ఎన్ రాజరాజేశ్వర్ రెడ్డి ఆధ్వర్యంలో సిబ్బంది శనివారం కడప నగరం తాడిపత్రి టు తిరుపతి బైపాస్ రోడ్డులోని చలమారెడ్డిపల్లి క్రాస్ రోడ్డు వద్ద గంజాయి విక్రయిస్తున్న కడప నగరానికి చెందిన మహేష్ (31), నిమ్మకాయల టైటస్ మనోహర్ (35)లను అరెస్టు చేశామన్నారు. వీరి వద్ద నుండి 3 కేజీల గంజాయి, ఒక వివో ఫోన్, రూ.6,500లు నగదు స్వాధీనం చేసుకున్నామని సీఐ తెలిపారు. వీరు గంజాయిని విశాఖపట్నం జిల్లాకు చెందిన ఒక వ్యక్తి వద్ద నుండి అక్రమ రవాణా చేసుకుని తీసుకుని వచ్చి ఇక్కడ విక్రయిస్తున్నారన్నారు.