దిశ, ఏపీ బ్యూరో : కొత్త జిల్లాల ఏర్పాటుపై రాష్ట్ర ప్రభుత్వ నిర్ణయాన్ని స్వాగతిస్తున్నామని బీజేపీ రాష్ట్ర అధ్యక్షుడు సోము వీర్రాజు అన్నారు. కొత్త జిల్లాల ఏర్పాటు లో ఉన్న సమస్యల పై ప్రభుత్వం దృష్టి సారించాలని సూచించారు. రాజమండ్రిలోని బీజేపీ కార్యాలయంలో జరిగిన గణతంత్ర దినోత్సవ వేడుకల్లో ఆయన పాల్గొన్నారు.
జాతీయ జెండాను సోము వీర్రాజు ఆవిష్కరించారు. అనంతరం ఆయన మాట్లాడుతూ జిల్లా కేంద్రం ఆయా జిల్లాల మధ్యలో ఉండేలా ఏర్పాట్లు చేయాలని హితవు పలికారు. జిల్లాల పేర్లు విషయం అనేక అభ్యర్ధనలు ఉన్నాయని వాటిని పరిగణలోకి తీసుకోవాలని సోము వీర్రాజు విజ్ఞప్తి చేశారు.