AP News:కొంపముంచిన వీసీ సార్ వీడియో..ఏయూలో ఏం జరుగుతుందంటే?

దిశ ప్రతినిధి,విశాఖపట్నం:ఆంధ్ర విశ్వవిద్యాలయం కొత్త వీసీగా పలువురు సీనియర్ ప్రొఫెసర్ల ప్రయత్నాలు చేస్తున్నప్పటికీ గతంలో వారు మాజీ వీసీ ప్రసాద్ రెడ్డికి చేసిన భజన పెద్ద ఆటంకంగా మారింది. హార్టీ కంగ్రాట్యులేషన్స్ వీసి సార్ అంటూ ఐదు నెలల క్రితం ప్రసాద్ రెడ్డి రెండో పర్యాయం వీసీ అయిన తర్వాత పోటాపోటీగా సీనియర్ ప్రొఫెసర్లంతా ఏయూ గేట్ల ముందు , రిజిస్టర్ ఆఫీస్ ముందు నిలబడి వీడియోలు చేసి సోషల్ మీడియాలో వైరల్ చేశారు. ఇప్పుడు వీరిలో ఎవరు వీసీకి ప్రయత్నం చేద్దాం అన్న వీరు హార్డ్ కోర్ ప్రసాద్ రెడ్డి గ్యాంగ్ అంటూ తిరస్కరణకు గురవుతున్నారు.

భుజాలు తడుముతూ కొంటున్నారు..

గుమ్మడికాయల దొంగ భుజాలు తడుము కుంటున్నట్లు, ప్రసాద రెడ్డితో ఎక్కువగా అంటకాగిన ఆచార్యులు, డీన్లు అధికారుల పరిస్థితి కుడితిలో పడ్డ ఎలుకల తయారయ్యింది. ప్రసాద రెడ్డి జమానాలో విర్రవీగిన కొందరు డీన్లు, ఇతర అధికారులు కొందరు 'పతివ్రత'ల అవతారమెత్తి, కొత్త సర్కారులో సైతం తమ హోదాలను కాపాడుకోవడం కోసం అమరావతి లో తిష్ట వేశారు. అవసరం అయితే సరెండర్ అయిపోయి, కనీసం ఇంచార్జిల గానైనా కుర్చీల్లో కూర్చోవాలని ప్రయత్నాలు ముమ్మరం చేసినట్లు సమాచారం. ఏ ఎండకు ఆ గొడుగు" చందన అమరావతిలో గిరికీలు కొడుతున్నారని వీరి కదలికలను గమనిస్తున్న ఉద్యమకారులంతా వారి పాత వీడియోలు బయటకు తీస్తున్నారు. వాటిని వైరల్ చేస్తున్నారు. దీంతో వారి ఆశల మీద నీళ్లు చల్లుతున్నట్లు అయింది.

ప్రసాద్ రెడ్డి వ్యూహమేనా..

ఇదంతా 'రెడ్డి గారి' వ్యూహంలో భాగమేనని కొందరు అభిప్రాయపడుతున్నారు. కూటమి సర్కార్ ఇలాంటి గోముఖ వ్యాగ్రాలను నమ్మితే నట్టేట మునిగి నట్టేనని కూడా వారు వ్యాఖ్యానిస్తున్నారు. గత పాలనలో అడ్డగోలు వ్యవహారాలకు 'తందానా' అంటూ వత్తాసు పలుకు కొందరు డీన్లు, అధికారులు ఇప్పుడు పాతివ్రత్యం' ముసుగులో లోపలికి దూరాలని మకాం వేశారని సమాచారం. వీళ్ళ వ్యూహాలు ఫలిస్తే రెడ్డి గారి పాలన మళ్లీ కొనసాగినట్లు..తస్మాత్ జాగ్రత్త!! వీరు ప్రసాద రెడ్డిని పొగుడుతూ పెట్టిన వీడియోలు సామాజిక మాధ్యమాల్లో చక్కర్లు కొడుతున్నాయి.