YSRCP:వైసీపీ కార్యాలయంలో జెండా ఆవిష్కరణ

దిశ ప్రతినిధి, విశాఖపట్నం:విశాఖపట్నం ఎండాడ లా కాలేజ్ రోడ్‌లో ఉన్న వై.యస్.ఆర్ కాంగ్రెస్ పార్టీ కార్యాలయంలో 78 వ స్వాతంత్య్ర దినోత్సవం సందర్భంగా విశాఖపట్నం జిల్లా సేవాదళ్ అధ్యక్షుడు దాడి రమేష్ నిర్వహణలో విశాఖపట్నం జిల్లా పార్టీ అధ్యక్షులు కోలా గురువులు అధ్యక్షతన స్వాతంత్య్ర దినోత్సవ వేడుకలు జరిగాయి. మహాత్మా గాంధీ చిత్రపటానికి పూలమాలలు వేసి నివాళి అర్పించిన అనంతరం రాజ్యసభ సభ్యులు గొల్ల బాబు రావు జాతీయ జెండా ఆవిష్కరణ చేశారు.

ఈ కార్యక్రమానికి రాష్ట్ర మాజీ మంత్రి వర్యులు గుడివాడ అమర్నాథ్ , డిప్యూటీ రీజనల్ కోఆర్డినేటర్ తిప్పల నాగిరెడ్డి , మాజీ శాసనసభ్యులు మళ్ళ విజయప్రసాద్ , తైనాల విజయ్ కుమార్ , ఎస్.ఎ రెహమాన్ , చింతలపూడి వెంకట్రామయ్య , రాష్ట్ర పార్టీ ప్రధాన కార్యదర్శి జి రవి రెడ్డి , రొంగలి జగన్నాధం, రాష్ట్ర ఫిషరీస్ మాజీ చైర్మన్ పేర్ల విజయ్ చంద్ర , పీవీఎస్ ఎన్ రాజు (వుడా రవి) రాష్ట్ర కార్యదర్శి నడింపల్లి కృష్ణంరాజు, పార్టీ నాయకులు జహీర్ అహ్మద్ తదితరులు పాల్గొన్నారు.