నేటి నుంచి విశాఖలో అగ్నివీర్ రిక్రూట్మెంట్ ర్యాలీ.. భారీ వర్షం కారణంగా వేదిక మార్పు

దిశ, వెబ్ డెస్క్: నేటి నుంచి విశాఖ వేదికగా అగ్ని వీర్ రిక్రూట్మెంట్ జరుగుతుంది. విశాఖ పట్టణంలోని పోర్ట్ స్టేడియంలో సెప్టెంబర్ 5 వరకు ఫిజికల్ టెస్టులు నిర్వహించనున్నారు. అయితే ఆదివారం రాత్రి విశాఖ పట్టణంలో భారీ వర్షం కురవడంతో రిక్రూట్మెంట్ జరిగే స్టేడియంలో భారీగా నీరు వచ్చి చేరి.. బురద మయంగా మారిపోయింది. దీంతో వెంటనే అప్రమత్తమైన ఆర్మీ అధికారులు.. పోర్ట్ స్టేడియం నుంచి ఆర్కే బీచ్ కు వేదికను మార్చారు. ఇందుకోసం ఆర్టీసీని సంప్రదించి.. ప్రత్యేక బస్సులను ఏర్పాటు చేసిన అధికారులు అభ్యర్థులను ఆర్కే బీచ్ కు తరలిస్తున్నారు. కాగా ఈ రోజు నుండి జరిగే అగ్నివీర్ ర్యాలీలో క్వాలిఫై అయిన అభ్యర్థులకు ఫిజికల్, మెడికల్ టెస్టులు నిర్వహించనుండగా.. రోజు వెయ్యి మంది ఈ అగ్నివీర్ రిక్రూట్మెంట్ ర్యాలీలో పాల్గోననున్నారు.