విశాఖ సముద్ర తీరంలో ఘోర ప్రమాదం.. 9 మంది మత్య్సకారులకు గాయాలు

దిశ, వెబ్ డెస్క్: విశాఖ సముద్ర తీరంలో ఘోర ప్రమాదం జరిగింది. స్థానిక మత్య్సకారులు బోటులో వేటకు వెళ్లారు. అయితే సముద్రంలోకి వెళ్లిన తర్వాత బోటులో అగ్ని ప్రమాదం చోటు చేసుకుంది. అకస్మాత్తుగా సిలిండర్ పేలింది. దీంతో మంటలు భారీగా చెలరేగాయి. ఈ ప్రమాదంలో 9 మంది మత్య్సకారులకు గాయాలయ్యాయి. క్షతగాత్రులను విశాఖ కేజీహెచ్ ఆస్పత్రికి తరలించారు. విషయం తెలుసుకున్న బాధిత కుటుంబాలు, స్థానిక నాయకులు కేజీహెచ్‌కు వెళ్లారు. అయితే మత్య్సకారులకు ప్రస్తుతం వైద్యులు చికిత్స అందిస్తున్నారు. దీంతో మత్స్యకారులకు మెరుగైన చికిత్స అందించాలని వైద్యులకు స్థానిక నాయకులు సూచించారు.