Vijayasaireddy: బాలకృష్ణ నిర్ణయించిన సమయానికే తారకరత్న అంత్యక్రియలు

దిశ, వెబ్ డెస్క్: నందమూరి బాలకృష్ణ నిర్ణయించిన సమయానికే తారకరత్న అంత్యక్రియలు జరుగుతాయని  విజయసాయిరెడ్డి తెలిపారు. ఉదయం నుంచి తారకరత్న నివాసంలోనే ఉన్న ఆయన మీడియాతో మాట్లాడారు. తారకరత్న మరణం ఎంతో బాధించిందన్నారు. 39 ఏళ్ల వయసులోనే అకాల మరణం చాలా బాధకరమన్నారు. తారకరత్నకు ప్రతి ఒక్కరితో సత్సంబంధాలున్నాయని చెప్పారు. అలేఖ్యరెడ్డి మానసిక ఒత్తిడికి లోనవుతోందని పేర్కొన్నారు. బాలకృష్ణకు తారకరత్న ఫ్యామిలీ రుణపడి ఉంటుందన్నారు. తారకరత్న కుటుంబానికి అండగా ఉంటానని బాలకృష్ణ హామీ ఇచ్చారని విజయసాయిరెడ్డి తెలిపారు. తారకరత్న అందరి మనసుల్లో నిలిచిపోతారని చెప్పారు.

కాగా తారకరత్న అస్వస్థతకు గురయిన నాటి నుంచి నందమూరి బాలకృష్ణ ఆ కుటుంబానికి అండగా నిలిచారు. తారకరత్నను బెంగళూరు ఆస్పత్రికి తరలించినప్పటి నుంచి బాలకృష్ణ కూడా అక్కడే ఉన్నారు. తారకరత్న కుటుంబానికి ధైర్యం చెప్పారు. తారకరత్న చికిత్స ఖర్చులు మొత్తం బాలకృష్ణనే కట్టారు. దీంతో  బాలకృష్ణ చేసిన సాయంపై సోషల్ మీడియాలో ప్రశంసలు వెల్లువెత్తుతున్నాయి.