రాష్ట్రంలో దారుణం.. ఏడు కుటుంబాలను వెలి వేసిన గ్రామ పెద్దలు

దిశ, వెబ్‌డెస్క్: టెక్నాలజీ పరంగా ఎంత అభివృద్ధి చెందుతున్నా.. కొన్ని విషయాల్లో మనుషులు వెనకబడిపోతూనే ఉన్నారు. ఇంకా కొన్నిచోట్ల వెలివేయడాలు వంటివి జరుగుతూనే ఉన్నాయి. పోలీసులు(Police), రాజకీయ నాయకులు ఎంత అవగాహన కల్పించినా వారిలో మార్పు రావడం లేదు. తాజాగా.. ఇలాంటి ఘటనే కాకినాడ(Kakinada) జిల్లా ఉప్పుమిల్లి గ్రామం(Uppumilli Village)లో చోటుచేసుకుంది. గ్రామ పెద్దలు ఏకంగా ఏడు కుటుంబాలను వెలివేశారు. గ్రామస్తులెవరూ వారికి సహకరించకూడదని, శుభకార్యాలకు వెళ్లకూడదని, వారిని పనులకు పిలవకూడదని కఠినమైన ఆదేశాలు జారీ చేశారు.

ఈ వెలివేతపై కాకినాడ జిల్లా కలెక్టర్ కార్యాలయంలో స్పందన కార్యక్రమంలో బాధితుడు మేడిశెట్టి దుర్గారావు ఫిర్యాదు చేయడంతో ఘటన వెలుగులోకి వచ్చింది. విషయం తెలుసుకున్న కాజులూరు తహసీల్దార్, గొల్లపాలెం ఎస్ఐ గ్రామానికి వచ్చి పరిస్థితిని తెలుసుకున్నారు. గ్రామ పెద్దలు, బాధితులతో కలిసి సమావేశం ఏర్పాటు చేశారు. ఇరు వర్గాల మధ్య రాజీ చేసే దిశగా రెవెన్యూ, పోలీసు అధికారులు చర్చలు జరిపారు. ఈ ఘటనకు సంబంధించిన పూర్తి వివరాలు తెలియాల్సి ఉంది.