దేవాన్ష్ పుట్టిన రోజు.. శ్రీవారి నిత్యాన్నదానానికి భారీ విరాళం

దిశ, వెబ్ డెస్క్: గురువారం దేవాన్ష్ పుట్టిన రోజు సందర్భంగా తిరుమల శ్రీవారి నిత్యాన్నదానానికి ఒక్క రోజు ఖర్చు రూ. 33 లక్షల విరాళాన్ని టీటీడీకి చంద్రబాబు కుటుంబం అందజేసింది. దేవాన్ష్ ప్రతీ పుట్టిన రోజుకు ఇంతే మొత్తం విరాళం ఇస్తున్నారు. ఇక దేవదేవుని దర్శనం కోసం చంద్రబాబు కుటుంబం తిరుమలకు చేరుకుంది. అందరూ ముందే చేరుకోగా.. నారా లోకేష్ ఆలస్యంగా తిరుమలకు వచ్చారు. లోకేష్‌కు టీడీపీ నేతలు స్వాగతం చెప్పారు.

అంతకుముందు చంద్రబాబు సతీమణి నారా భువనేశ్వరి తిరుమల చేరుకున్నారు. అన్నమయ్య జిల్లా రాయచోటిలో నిజం గెలవాలి కార్యక్రమం పూర్తి చూసుకొని ఆమె తిరుమల వెళ్లారు. ఈ సందర్భంగా నారా భువనేశ్వరికి పుష్పగుచ్చం ఇచ్చి తిరుమల టీడీపీ అధ్యక్షుడు రాజుయాదవ్, పార్టీ నాయకులు, కార్యకర్తలు స్వాగతం పలికారు. దేవాన్ష్ పుట్టినరోజు సందర్భంగా కుటుంబసమేతంగా శ్రీవారిని దర్శించుకొని నారా భువనేశ్వరి, లోకేష్ దంపతులు భక్తులకు అన్నదానం చేయనున్నారు.