Ap Govt: కరవు మండలాలు ప్రకటించిన ప్రభుత్వం

దిశ, వెబ్ డెస్క్: రాష్ట్రంలో కరువు మండలాల(Drought Zones)ను ప్రభుత్వం ప్రకటించింది. మొత్తం 5 జిల్లాల్లో 54 కరవు మండలాలను ఉన్నట్లు గుర్తించింది. సత్యసాయి-10, అన్నమయ్య-19, చిత్తూరు-16, అనంతపురం-7, కర్నూలు జిల్లాలో 2 కరువు మండలాలున్నట్లు అధికారులు ప్రకటించారు. ఈ మేరకు రెవెన్యూ శాఖ ఉత్తర్వులు జారీ చేసింది. రాష్ట్రంలో ఈ ఏడాది ఖరీఫ్ సీజన్‌లో అధిక వర్షపాతం నమోదైనా సగటు వర్ష పాతాన్ని ప్రభుత్వం పరిగణనలోకి తీసుకుంది. ఈ మేరకు సాధారణం కన్నా అతి తక్కువ వర్షం పడిన మండలాలను కరువు మండలాలుగా ప్రకటించింది.