AP News:టీడీపీ అధికారంలోకి రావడంతో..మొక్కులు చెల్లించుకుంటున్న ఆ పార్టీ అభిమానులు

దిశ,నల్లజర్ల: తెలుగుదేశం పార్టీ అధికారంలోకి రావాలని రాష్ట్ర వ్యాప్తంగా టీడీపీ కార్యకర్తలు, అభిమానులే కాదు సామాన్య ప్రజానీకం కూడా ఎదురుచూపులు చూసింది. వారి కలలు నెరవేరేలా రాష్ట్రంలో ముఖ్యమంత్రి చంద్రబాబు నాయకత్వంలో టీడీపీ ప్రభుత్వం ఏర్పడింది. టీడీపీ అధికారం చేపట్టగా నేడు రాష్ట్ర వ్యాప్తంగా అభిమానులు తమ మొక్కులు తీర్చుకుంటున్నారు. పశ్చిమగోదావరి జిల్లా నల్లజర్ల మండలం చీపురు గూడెం గ్రామంలో వంట్ల పెదరామన్న టీడీపీపై తన అభిమానాన్ని చాటుకున్నారు. తెలుగుదేశం పార్టీ నాయకుడు వంట్ల పెదరామన్న పొర్లు దండా లు పెడుతూ దుర్గమ్మ తల్లికి మొక్కు తీర్చుకున్నాడు. రాష్ట్రంలో కూటమి ప్రభుత్వం అధికారంలోకి వస్తే గ్రామంలోని రామాలయం నుంచి కనకదుర్గమ్మ తల్లి ఆలయం వరకు రోడ్డుపై పొర్లుదండాలు పెడతానని మొక్కుకున్నాడు. ఈ మేరకు ఆయన తెలుగుదేశం,జనసేన, బీజేపీ పార్టీ శ్రేణులతో కలిసి పొర్లుదండాలతో మొక్కు తీర్చుకున్నారు.