రాజమండ్రి చేరుకున్న Pawan Kalyan.. మరికాసేపట్లో చంద్రబాబుతో భేటీ

దిశ, డైనమిక్ బ్యూరో : జనసేన అధ్యక్షులు పవన్ కళ్యాణ్ రాజమహేంద్రవరం ఎయిర్ పోర్టుకు చేరుకున్నారు.  ఈ సందర్భంగా ఎయిర్ పోర్టులో జనసేన నేతలు పవన్ కల్యాణ్‌కు ఘన స్వాగతం పలికారు. అనంతరం అక్కడ నుంచి పవన్ కల్యాణ్ రోడ్డు మార్గం గుండా రాజమహేంద్రవరం సెంట్రల్ జైలుకు వెళ్లారు. సెంట్రల్ జైలు సమీపంలో నారా లోకేశ్‌ బస చేసిన కాంప్ వద్దకు చేరుకున్నారు. అక్కడ నారా భువనేశ్వరి, నారా బ్రహ్మణిలను పవన్ కల్యాణ్ పరామర్శించి ఓదార్చనున్నారు. ఇకపోతే మధ్యాహ్నం 12 గంటలకు టీడీపీ అధినేత చంద్రబాబు నాయుడుతో పవన్ కల్యాణ్ భేటీ కానున్నారు. ఇందుకు సంబంధించి జైలు అధికారులకు సమాచారం అందించారు. దీంతో ములాఖత్‌కు జైలు అధికారులు ఏర్పాటు చేశారు. పవన్ కల్యాణ్‌తోపాటు నందమూరి బాలకృష్ణ, నారా లోకేశ్‌లు సైతం చంద్రబాబును ములాఖత్‌లో భాగంగా కలవనున్నారు. ఇందులో భాగంగా ఇప్పటికే నందమూరి బాలకృష్ణ రాజమహేంద్రవరంకు చేరుకోగా తాజాగా పవన్ కల్యాణ్ చేరుకున్నారు. ఈ సందర్భంగా రాజమహేంద్రవరం ఎయిర్ పోర్టులో పవన్ కల్యాణ్‌కు పార్టీ నేతలు ఘటన స్వాగతం పలికారు. పవన్ కల్యాణ్‌కు స్వాగతం పలికిన వారిలో పార్టీ జిల్లా అధ్యక్షుడు కందుల దుర్గేష్,పీఏసీ సభ్యులు ముత్తా శశిధర్, పితాని బాలకృష్ణ, పార్టీ నేతలు శెట్టిబత్తుల రాజబాబు, అనుశ్రీ సత్యనారాయణ, బండారు శ్రీనివాస్, వేగుళ్ల లీలాకృష్ణ, తంగెళ్ళ ఉదయ్ శ్రీనివాస్, బత్తుల బలరామకృష్ణ, తోట సుధీర్, పంచకర్ల సందీప్,గంటా స్వరూప, ప్రియా సౌజన్య తదితరులు ఉన్నారు. 

More News :

రాజమండ్రికి నందమూరి బాలకృష్ణ.. మరికాసేపట్లో చంద్రబాబుతో ములాఖత్

చంద్రబాబు నాయుడు అరెస్ట్‌పై.. సినీ నటి పూనమ్ కౌర్ రియాక్షన్ 

Pawan Kalyan, Nandamuri Balakrishna and Nara Lokesh to meet Chandrababu Naidu in Rajahmundry Central Jail