Tirumala:శ్రీవారిని దర్శించుకున్న పవన్ కళ్యాణ్ హీరోయిన్

దిశ,వెబ్‌డెస్క్: తిరుమల శ్రీ వేంకటేశ్వరస్వామి వారి దర్శనార్థం శుక్రవారం ఉదయం సినీ నటి అదితి గోవిత్రికర్ దర్శించుకున్నారు. పవన్ కళ్యాణ్ సూపర్ హిట్ సినిమాల్లో ‘తమ్ముడు’ ఒకటి. ఆ మూవీలో నటించిన అదితి గోవిత్రికర్ తిరుమలలో మెరిశారు. ఈ క్రమంలో ఆమె వీఐపీ విరామ సమయంలో శ్రీవారిని దర్శించుకుని మొక్కులు చెల్లించుకున్నారు. దర్శనం అనంతరం ఆలయ అధికారులు రంగనాయకుల మండపంలో వేద పండితులు వేద ఆశీర్వచనం చేశారు. శ్రీవారి దర్శనం చేసుకున్న ఆమె మాట్లాడుతూ.. 17 ఏళ్ల తర్వాత వేంకటేశ్వరుని దర్శనం కోసం వచ్చినట్లు చెప్పారు. ‘తమ్ముడు’ సినిమా తర్వాత తెలుగులో నటించలేదని, ప్రస్తుతం యాక్ట్ చేయాలని కోరుకుంటున్నట్లు చెప్పారు. తన సినిమాలు కొన్ని ఓటీటీలో ఉన్నాయని ఆమె తెలిపారు.