Viral Video:కార్తీక పౌర్ణమి రోజు అద్భుత దృశ్యం.. జంట పొడపాముల సయ్యాట

దిశ, ద్వారకాతిరుమల: ఏలూరు జిల్లా ద్వారకా తిరుమలలో రెండు పొడ పాములు సయ్యాటలాడాయి. ఈ సయ్యాట సోషల్‌ మీడియాలో వైరల్‌ అయింది. శివాలయానికి సమీపంలోనే శేషాచల కొండ దిగువ భాగాన పాములు సయ్యాటలాడటం చూసిన స్థానికులు వీడియోలు తీసి సోషల్ మీడియాలో షేర్ చేశారు. సుమారు గంట సేపు పైగా రెండు పొడ పాములు ఒకదానితో ఒకటి బుసలు కొట్టుకుంటూ సయ్యాటలాడాయి. సాధారణంగా త్రాచు పాము జెర్రిపోతు మాత్రమే సయ్యాటలాడతాయంటారు. కానీ ఇక్కడ పొడపాములు సయ్యాటలాడడం వింత ఘటనగా చెప్పుకుంటున్నారు. నేడు కార్తీక పౌర్ణమి కావడంతో పాముల సయ్యాటను స్వామి వారి మహత్య్మంగా స్థానికులు భావిస్తున్నారు.