Prajadarbar: సమస్యల పరిష్కారంలో నారా లోకేష్ నూతన ఒరవడి

దిశ, వెబ్ డెస్క్: ప్రజా పాలనలో మంత్రి నారా లోకేష్(minister Nara Lokesh) తనదైన ముద్ర వేస్తున్నారు. సమస్యల పరిష్కారంలో  నూతన ఒరవడి సృష్టిస్తున్నారు. ఇలా రాష్ట్రవ్యాప్తంగా వివిధ సమస్యలతో బాధపడుతున్న వారికి అండగా నిలుస్తున్నారు.  ప్రజల సమస్యలు తెలుసుకునేందుకు ఉండవల్లి నివాసంలో 53వ రోజులుగా ప్రజాదర్బార్ నిర్వహిస్తున్నారు. ఈ ప్రజాదర్బార్‌కు రాష్ట్రవ్యాప్తంగా ప్రజల నుంచి అనూహ్య స్పందన వస్తోంది. గ్రామ, పట్టణాల నుంచి వచ్చి తాము ఎదుర్కొంటున్న సమస్యలను స్వయంగా మంత్రికి విన్నవించుకుంటున్నారు. అర్జీలు సమర్పిస్తున్నారు. దీంతో ప్రతి ఒక్కరి విజ్ఞప్తిని క్షుణ్ణంగా పరిశీలిస్తున్న మంత్రి.. సమస్యల పరిష్కారం కోసం సిబ్బందికి అక్కడికక్కడే ఆదేశాలు జారీ చేస్తున్నారు. పింఛన్ల సహా పలు సమస్యలపై వెంటనే బాధితులకు పరిష్కారం చూపుతున్నారు. అలాగే వారికి అన్ని విధాలుగా అండగా నిలబడుతూ భరోసా ఇస్తున్నారు.