మెగా అభిమానులకు నాగబాబు కీలక పిలుపు

దిశ, వెబ్ డెస్క్: వైసీపీని గద్దె దించడానికి మరో రెండు నెలలు కష్టపడదామని మెగా అభిమానులకు జనసేన పార్టీ ప్రధాన కార్యదర్శి నాగబాబు పిలుపునిచ్చారు. అనకాపల్లిలో మెగా ఫ్యాన్స్ ఆత్మీయ సమావేశంలో ఆయన పాల్గొన్నారు. ఈ సందర్భంగా నాగబాబు మాట్లాడుతూ రాష్ట్రాన్ని బాగు చేసుకోవాల్సిన బాధ్యత ప్రతిఒక్కిరపై ఉందని ఆయన సూచించారు. సినిమాలు విడుదలైనప్పుడే మనం మెగా ఫ్యాన్స్ అని, మిగిలిన సమయంలో జన సైనికులమని చెప్పారు. వచ్చేది జనసేన- తెలుగుదేశం ఉమ్మడి ప్రభుత్వమేనని ధీమా వ్యక్తం చేశారు. మన ప్రభుత్వంలో సంక్షేమ పథకాలకు తాతలు, తండ్రుల పేర్లు కాకుండా మహనీయుల పేర్లు పెడదామని నాగబాబు పేర్కొన్నారు.