మహాత్మ జ్యోతిరావు పూలే స్ఫూర్తితో ముందుకెళ్తాం: సీఎం చంద్రబాబు నాయుడు

దిశ, వెబ్‌డెస్క్: సమాజంలో కులపరమైన వివక్షను అన్యాయాలను రూపుమాపడానికి నిరంత కృషి చేసిన మహాత్మా జ్యోతిరావు పూలే వర్ధంతి నేడు. ఈ సందర్భంగా ఆంధ్రప్రదేశ్ రాష్ట్ర సీఎం చంద్రబాబు నాయుడు ట్విట్టర్ వేదికగా ఆయనకు నివాళులు అర్పించారు. సీఎం తన ట్వీట్‌లో ''మహాత్మా జ్యోతిరావు పూలే వర్ధంతి సందర్భంగా వారికి నా ఘన నివాళి అర్పిస్తున్నాను. బడుగు బలహీన వర్గాల సముద్ధరణకు ఆయన చూపిన బాట అనుసరణీయం. అదే స్ఫూర్తితో రాష్ట్ర ప్రభుత్వం ముందుకు వెళుతుందని ఈ సందర్భంగా తెలియచేస్తున్నాను." అని రాసుకొచ్చారు.