బాబు అరెస్ట్‌పై స్పందించిన ఉక్కు మహిళ షర్మిల

దిశ, వెబ్‌డెస్క్: చంద్రబాబు అరెస్ట్‌పై రాజకీయ ప్రముఖులతో పాటు సినీ, క్రీడా ప్రముఖులు స్పందిస్తున్నారు. బాబు అరెస్ట్‌పై శుక్రవారం మణిపూర్ ఉక్కు మహిళ ఇరోమ్ షర్మిల స్పందించారు. చంద్రబాబు ఒక విజన్ ఉన్న నాయకుడని, ప్రజా నాయకుడిగా ఎంతో ఖ్యాతి గడించారని ప్రశంసించారు. అటువంటి నాయకుడిని అక్రమంగా అరెస్ట్ చేయడాన్ని దేశవ్యాప్తంగా ప్రతిఒక్కరూ ఖండించాల్సిందేనని సూచించారు. ప్రజా నేతలను ఇలా అవినీతి ముద్ర వేసి అణిచివేయకూడదని చెప్పారు. రాజకీయ ప్రత్యర్థులను అణిచివేసేందుకు మోదీనే ఇదంతా చేయిస్తున్నారని అర్థమవుతోందని వ్యాఖ్యానించారు.

ప్రజాస్వామ్యం, మానవహక్కుల పట్ల గౌరవముంటే చంద్రబాబును వెంటనే విడుదల చేయాలని ఇరోమ్ షర్మిల డిమాండ్ చేశారు. తెలుగు రాష్ట్రాల అభివృద్దికి చంద్రబాబు బాటలు వేశారని, అలాంటి నేతను అక్రమ కేసులో జైలుకు పంపడాన్ని ఖండిస్తున్నట్లు తెలిపారు. ఈ మేరకు ఒక వీడియోను సోషల్ మీడియాలో ఇరోమ్ షర్మిల విడుదల చేశారు.