Liquor Shops: 9 బదులు 6 ప్రకటన.. మద్యం దుకాణాల లక్కీ డ్రాలో గందరగోళం

దిశ, వెబ్ డెస్క్: ఏపీలో మద్యం దుకాణాల(Liquor stores)కు లక్కీ డ్రా(Lucky Draw) కొనసాగుతోంది. ఉదయం నుంచే ప్రారంభమైన ప్రక్రియ రాష్ట్రవ్యాప్తంగా లాటరీలు తీస్తున్నారు. అయితే కొన్ని చోట్ల డ్రాలో గందరగోళం ఏర్పడింది. ఒక నెంబర్ కు బదులు మరో నెంబర్ ప్రకటించడంతో దరఖాస్తులు ఆందోళనకు దిగుతున్నారు. అధికారులతో వాగ్వాదానికి దిగుతున్నారు. ఇలాంటి ఘటన శ్రీకాకుళం(Srikakulam)లో జరిగింది. జిల్లాలోని వైన్ షాపులకు ప్రభుత్వం తరపున ఈ ఉదయం నుంచి లాటరీ ప్రక్రియ సాగుతోంది. అయితే నెం.9కి బదులు నెం.6 ప్రకటించడంతో గందరగోళం నెలకొంది. అధికారులతో దరఖాస్తుదారులు వాగ్వాదానికి దిగారు. అండర్ స్కోర్ విషయంలో పొరపాటు జరిగిందని, మళ్లీ సవరించి నెంబర్9ని ప్రకటించడంతో వివాదం సర్దుమనిగింది.