మహిళలకు టీడీపీ గుడ్ న్యూస్.. త్వరలో సరికొత్త పథకం

దిశ, వెబ్ డెస్క్: ఎన్నికల వేళ మహిళలకు టీడీపీ గుడ్ న్యూస్ తెలిపింది. మహిళా దినోత్సవం సందర్భంగా సరికొత్త పథకాన్ని తీసుకురావాలని నిర్ణయించింది. రాష్ట్రంలో జరగబోయే ఎన్నికల్లో అధికారంలోకి వస్తే ‘కలలకు రెక్కలు’ పేరుతో కొత్త పథకాన్ని తీసుకువస్తామని హామీ ఇచ్చింది. ఈ పథకానికి ఇంటర్ చదివిన విద్యార్థులు, మహిళలను అర్హులని స్పష్టం చేసింది. ఈ పథకం కింద అర్హులకు బ్యాంకు లోన్ ఇప్పించనుంది. ఈ లోన్‌కు బ్యాంకు వడ్డీ కట్టే బాధ్యతను టీడీపీ, జనసేన పార్టీ ప్రభుత్వం తీసుకోనుంది. ఈ విషయాన్ని టీడీపీ అధినేత చంద్రబాబు సతీమణి భువనేశ్వరి వెల్లడించారు. .

మహిళా దినోత్సవం సందర్భంగా ఇంటర్ విద్యార్థినులకు నారా భువనేశ్వరి శుభ వార్త తెలిపారు. ఇంటర్ పూర్తి చేసుకుని ప్రొఫెషనల్ కోర్సులు నేర్చుకునే విద్యార్థులకు ప్రభుత్వ గ్యారంటీతో బ్యాంక్ లోన్ ఇప్పించననున్నట్లు తెలిపారు. విద్యార్థినులు చెల్లించాల్సిన బ్యాంకు వడ్డీని పూర్తి టీడీపీ-జనసేన ప్రభుత్వం చెల్లిస్తుందని భువనేశ్వరి తెలిపారు.

కాగా కర్నూలు జిల్లా పత్తికొండలో పర్యటిస్తున్న ఆమె .. చంద్రబాబు అరెస్ట్ నేపథ్యంలో చనిపోయిన వారి కుటుంబాలను పరామర్శిస్తున్నారు. ‘నిజం గెలవాలి’అంటూ పత్తికొండ, కోడుమూరు నియోజకవర్గాల్లో భువనేశ్వరి యాత్ర చేపట్టారు.