చిరంజీవిని ఓడించా.. పవన్ కల్యాణ్‌ను ఓడిస్తా.. కేఏ పాల్ సంచలన వ్యాఖ్యలు

దిశ, వెబ్‌డెస్క్: ప్రజాశాంతి పార్టీ చీఫ్ కేఏపాల్ జనసేన చీఫ్ పవన్ కల్యాణ్‌పై మరో సారి సంచలన వ్యాఖ్యలు చేశారు. తాను సీక్రెట్‌గా పిఠాపురం వెళ్తే వంద, రెండు వందల మంది దగ్గరకు వచ్చారని తెలిపారు. అందులో 80 శాతం మంది కాపులే అని.. వారంతా తనను పిఠాపురం నుంచి పోటీ చేయాలని కోరుతున్నారన్నారు. అయినా తాను ఎంత మందికి వ్యతిరేకంగా పోటీ చేయాలన్నారు. ప్రజలకు బుద్ధి ఉంటే పవన్ కల్యాణ్‌ను చిత్తుగా ఓడించాలన్నారు. పాలకొల్లు వెళ్లి అప్పట్లో చిరంజీవిని ఓడించా అన్నారు. అక్కడ ప్రత్యేకంగా క్యాంపెయిన్ చేశా అన్నారు. ఆనాడు ఫ్లైట్ మిస్ అయిందని లేదంటే తిరుపతి కూడా వెళ్లేవాడినని వెళ్తే ఫలితం మరోలా ఉండేదన్నారు. దాంతోనే చిరంజీవి తిరుపతిలో 5 వేల ఓట్లతో గెలిచారన్నారు. ఇక కేఏ పాల్ ఈ సారి విశాఖ పట్నం నుంచి ఎంపీగా పోటీ చేస్తున్నా అని ప్రకటించిన విషయం తెలిసిందే.