YCP flag:ఎవ‌రెస్ట్ శిఖ‌రంపై వైసీపీ జెండా!

దిశ ప్రతినిధి, తిరుపతి: ఎవ‌రెస్ట్ శిఖ‌రంపై వైసీపీ జెండా రెప‌రెప‌లాడింది. ఎవ‌రెస్ట్ బేస్ క్యాంప్‌లో 5,364 మీట‌ర్ల ఎత్తులో వైసీపీ జెండాను ఆదివారం ఆ పార్టీ తిరుప‌తి ఇన్‌చార్జ్ భూమ‌న అభిన‌య్ ఎగుర‌వేశారు. ఈ సంద‌ర్భంగా ఆయ‌న మాట్లాడుతూ.. ఎన్నిక‌ల్లో ఓడిపోయి వైఎస్సార్‌సీపీ క‌ష్ట‌కాలంలో ఉన్న స‌మ‌యంలో, ఆ పార్టీ యువ నాయ‌కుడిగా అత్యున్న‌త శిఖ‌రంపైకి సాహ‌స‌యాత్ర చేసి ప‌తాకాన్ని ఎగుర వేయ‌డం ఆనందంగా ఉంద‌న్నారు. రానున్న కాలంలో ఆంధ్ర‌ప్ర‌దేశ్‌లో వైఎస్ జగనన్న నాయకత్వంలో వైఎస్సార్‌సీపీ జెండా త‌ప్ప‌కుండా రెప‌రెప‌లాడుతుంద‌నే ఆశాభావాన్ని ఆయ‌న వ్య‌క్తం చేశారు. తమ బృందం ఎవ‌రెస్ట్ శిఖ‌రాన్ని అత్యంత సాహ‌సంతో అధిరోహించి జెండాను ఎగుర‌వేసిన‌ట్టుగా, క‌ష్టాల‌ను ప్ర‌తి కార్య‌క‌ర్త‌, నాయ‌కుడు అధిగ‌మించి గ‌ర్వంగా జెండాను రెప‌రెప‌లాడిస్తార‌ని అన్నారు.